बेकायदा देशी दारू विकणारा लोणावळा पोलिसांकडून जेरबंद

लोणावळा : लोणावळा शहरात बेकायदेशीर रित्या देशी दारूची विक्री करणा-या आरोपीला लोणावळा शहर पोलिसांनी मुद्देमालासह जेरबंद केले. शैलेश बसवराज मड्डे (वय ३८ वर्ष, सध्या रा. सितारा गार्डन, राजमाची पॉइंर्ट, खंडाळा, मुळ रा. हिरेजिवरगी, गुलबर्गा, कर्नाटक) असे आरोपीचे नाव आहे. मिळालेल्या माहितीनुसार आरोपी शैलेश मड्डे हा त्याच्या जवळील एॅक्टिव्हा दुचाकीमधून (क्रमांक एमएच १४डी डब्ल्यू २२५५) देशी दारूच्या ६० बाटल्या घेऊन विक्री साठी जात असल्याची माहिती पोलिसांना मिळाली. त्यामाहितीच्या आधारे पो.नी.सीताराम डुबल यांच्या मार्गदर्शनाखाली स.पो.नी. सतीश शिंदे यांच्या नेतृत्वात पो. ना. हनुमंत शिंदे, नितीन सूर्यवंशी, मनोज मोरे, स्वप्नील पाटील यांनी मड्डे याला जेरबंद केले.